Գրեթե 3 հազար մարդու բժշկած Յակոբ Այնթապլեանն անդրադարձել է Հայաստանի ու Արցախի կարևորագույն խնդիրներին

Սփյուռքահայ անվանի բժիշկ, գրող-հրապարակախոս, Նյու-Յորքի գիտությունների ակադեմիայի պատվավոր անդամ Յակոբ Այնթապլեանը Sputnik Արմենիայի հետ զրույցում անդրադարձել է, իր բնորոշմամբ, հայրենիքի համար կարևորագույն՝ տարածքային, պաշտպանական և լեզվական խնդիրներին։ Մինչ իշխանությունը խոսում է Հայաստանի 28․000 ք/կմ տարածքի մասին, մտավորականը ազգային լուրջ ծրագրեր ու հիմնավորումներ ունի Հայաստանի 162․000 ք/կմ-ի վերադարձի ուղղությամբ։ «Երբ պետությունն ու առաջնորդը ազգային մտածողություն չունեն՝ ունենք երկփեղկված և պառակտված հայրենիք», - ասում է հասարակական գործիչն ու հավելում, - «Կամ իրենք տգետ են, կամ կիսագրագետ, կամ ուրիշին են ծառայում»։ Նա ձգտում է տեսնել Հայաստանը որպես համահայկական հայության կենտրոն, իսկ հայոց լեզվի անաղարտության հանդեպ սպառնալիքների դեպքում, դպրոցից մինջև պետական կառույցներ, առաջարկում է պատժամիջոցներ կիրառել։