Մեր նպատակն է՝ տեղորոշել այն անձանց, որոնք շփվել են վարակակրի հետ․ Ավինյան

Անձանց վերաբերյալ տեղորոշման ինֆորմացիան, որը պահպանվում է հեռախոսային օպերատորների մոտ, և հեռախոսային օպերատորներն ունեն ամբողջական այդ տվյալները անձնավորված և շատ երկար ժամանակի համար, ինչպես նաև ունեն հեռախոսազանգերի ամբողջական ցանկը տվյալ հեռախոսի հետ կապված, մեզ տալու են 1 բայց շատ կարևոր հնարավորություն՝ տեղորոշել այն անձանց, որոնք շփվել են վարակակրի հետ։ Այս մասին այսօր մարտի 31–ին ԱԺ հերթական նիստի ժամանակ հայտարարեց փոխվարչապետ, պարետ Տիգրան Ավինյանը՝ անդրադառնալով «Արտակարգ դրության իրավական ռեժիմի մասին» օրենքում և հարակից օրենքներում լրացումներ կատարելու օրենքների նախագծերի փաթեթին, որն առաջարկվել է կառավարության կողմից։