Шкул ачисем киберспортра паларнă

Çĕршывра киберспорт юхăмĕ вăйлă аталанса пырать. Раштав уйăхĕн 4-5-мĕшĕсенче компьютер спорчĕпе шкул ачисем хушшинче пĕтĕм Раççейри ăмăрту иртрĕ. Унта Чăваш Енрен Шупашкарти 3-мĕш лицейра вĕренекенсем хутшăнчĕç. Вĕсем шкул лигин çĕнтерӳçи ятне тивĕçрĕç. Кибертытăçура 450 000 тенкĕ выляса илчĕç. Кăшăллă вирус алхаснă вăхăтра вăл онлайн мелпе иртрĕ. Шкул ачисен çитĕнӳ вăрттăнлăхне Елизавета Цветкова тĕпчерĕ. Кунта хăвăртрах, вăйлăрах, çӳллĕрех сикмелле мар, анчах та пуç мимине ĕçлеттермелле. Хĕç-пăшала авăрласа тăшмана тупмалла та тытса чармалла. Куçа курăнман ушкăна парăнтарма çивĕч ăс-тăн кирлĕ, унсăр пуçне «вăрттăн» чĕлхе пĕлмелле. Тавçăрулăха туптакан вăйăсене спорт шутне кĕртĕренпе унпа кăсăкланакансен шучĕ ӳснĕ. 11-мĕш класра вĕренекен Павел Великанов кибертытăçава чун киленĕçĕпе танлаштарать. ПАВЕЛ ВЕЛИКАНОВ: «Манăн вĕренӳре лайăх çитĕнӳ. Эпĕ тĕрлĕ олимпиадăсене хутшăнатăп. Раççейри, республикăри олимпиадăсенче математикăпа, физикăпа малти вырăнсем йышанатăп. Аттепе-анне эпĕ киберспортсмен пулнăшăн хирĕç