БАЛАЛАР МАЙҘАНСЫҒЫ АСЫЛДЫ

Районыбыҙҙа «Урындағы башланғыстарға булышлыҡ итеү» программаһы уңышлы эшләп килә. Халыҡ төрлө проблемаларҙы күтәреп, урындағы хакимиәт, эшҡыуарҙар менән тығыҙ бәйләнештә хеҙмәттәшлек итеп республика Хөкүмәтенән ярҙам ала. 2014 йылдан эшләп килгән “Урындағы башланғыстарға булышлыҡ итеү” программаһы тап ошо йүнәлештә киң ҡолас алды. Ошо ваҡыт эсендә генә ауыл биләмәләрендә тиҫтәгә яҡын проекттар тормошҡа ашырылды - балалар уйын майҙансыҡтары сафҡа инде, социаль учреждениелар һәм юлдар төҙөкләндерелде, һыу менән тәьмин итеү системаһы, урамдарға заманса яҡтыртҡыстар ҡуйылды. Ошо көндәрҙә Тирмән-Йылға ауылында балалар өсөн спорт майҙансығы файҙаланыуға тапшырылды.Беҙҙең ижади төркөм халыҡтың шатлығы менән уртаҡлашты.