Ռուսաստանի հայերի միության նախագահ Արա Աբրահամյանի մամուլի ասուլիսը

Հոկտեմբերի 19-ից 23-ը անցկացվում են «Արարատյան ալյանս» մտքի կենտրոնի համաժողով-քննարկումները՝ միտված Հայաստանի և Արցախի զարգացման ազգային օրակարգի ձևավորմանը։ Համաժողովին մասնակցում են գիտության, տնտեսության, տեղեկատվական տեխնոլոգիաների, անվտանգության ոլորտների ճանաչված փորձագետներ արտերկրից, Հայաստանից, Սփյուռքից և Արցախից: Համաժողովի աշխատանքներին մասնակցում են Ռուսաստանի հայերի միության ավելի քան 60 տարածաշրջանային բաժանմունքների ղեկավարներ և համայնքների ներկայացուցիչներ: Կազմակերպության առջև ծառացած խնդիրների և ծրագրերի մասին կպատմի Ռուսաստանի հայերի միության նախագահ, «Արարատյան ալյանս» մտքի կենտրոնի հիմնադիր, ՅՈՒՆԵՍԿՕ-ի բարի կամքի դեսպան Արա Աբրահամյանը: