Леў Сапега (1557 – 1633)

Ён вырашаў лёс цэлай краіны, хоць і не быў каралём. Канцлер ВКЛ клапаціўся пра незалежнасць Княства ў межах Рэчы Паспалітай, і тут усе сродкі былі добрыя... Ён адкрыта выступаў супраць караля – Жыгімонта ІІІ Вазы. Той праводзіў прапольскую палітыку, раздорваў землі ВКЛ палякам, чым парушаў правы беларускай шляхты. Сапега прызнаваўся, што адчувае сябе “як кот на лёдзе” пры такім уладары. Але дабіўся прызнання рэальнай юрыдычнай сілы Статута 1588 года. Няпростыя стасункі склаліся ў Сапегі з расейскім бокам.