Тропарь Рождества Богородицы

Рождество Пресвятой Богородицы. Тропарь, глас 4. Рождество́ Твое́, Богоро́дице Де́во,/ ра́дость возвести́ всей вселе́нней:/ из Тебе́ бо возсия́ Со́лнце Пра́вды, Христо́с Бог наш,/ и разруши́в кля́тву, даде́ благослове́ние,/ и упраздни́в смерть, дарова́ нам живо́т ве́чный. Кондак, глас 4. Иоаки́м и Áнна поноше́ния безча́дства,/ и Ада́м и Éва от тли сме́ртныя свободи́стася, Пречи́стая,/ во святе́м рождестве́ Твое́м./ То пра́зднуют и лю́дие Твои́,/ вины́ прегреше́ний изба́вльшеся,/ внегда́ зва́ти Ти:/ непло́ды ражда́ет Богоро́дицу и Пита́тельницу Жи́зни на́шея.