Православный календарь; Воскресенье 27 октября 2024 / 14 октября 2024

Неделя 18-я по Пятидесятнице. Глас первый. Память святых отцев VII Вселенского Собора (787). Мчч. Назария, Гервасия, Протасия, Келсия (54-68). Прп. Параскевы Сербской (XI). Сщмч. Михаила пресвитера (1921). Свт. Амвросия исп., еп. Каменец-Подольского (1932). Сщмч. Петра пресвитера (1937). Прмч. Максимилиана (1938). Прп. Николы Святоши, кн. Черниговского, Печерского чудотворца, в Ближних пещерах (1143). Мч. Сильвана, пресвитера Газской церкви (IV). Яхромской иконы Божией Матери (XV). Прп. Космы, игумена Яхромского. Прп. Евфимия Нового, испов. Солунского (Греч.). Свт. Игнатия, архиеп. Метимнского (Греч.). Мч. Петра Апселамуса Палестинского (309). Св. Бухарда, первого еп. Визбургского, английского миссионера в Германии (754). Св. Космы, песнописца, еп. Маюмского (787) (Греч.). Прп. Манакки, игумении Корневильской (V-VI). Чтения дня Иоанна 20:1-10 (на утрене. Евангелие 7-e) 2 Коринфянам 9:6-11 (рядовое) Луки 8:5-15 Евреям 13:7-16 (святым отцам) Иоанна 17:1-13 (святым отцам) Тропари Тропарь воскресный, глас 1. Ка́мени запеча́тану от иуде́й/ и во́ином стрегу́щим Пречи́стое Те́ло Твое́,/ воскре́сл е́сли тридне́вный, Спа́се,/ да́руяй ми́рови жи́знь./ Сего́ ра́ди Си́лы Небе́сныя вопия́ху Ти, Жизнода́вче:/ сла́ва Воскресе́нию Твоему́, Христе́,/ сла́ва Ца́рствию Твоему́,/ сла́ва смотре́нию Твоему́, еди́не Человеколю́бче. Богородичен, глас тойже. Гаврии́лу, веща́вшу Тебе́ Де́во, ра́дуйся,/ со гла́сом воплоща́шеся все́х Влады́ка,/ в Те́бе, Святе́м Киво́те,/ я́коже рече́ пра́ведный Дави́д:/ яви́лася еси́ ши́ршая небе́с,/ поноси́вши Зижди́теля Твоего́./ Сла́ва Все́льшемуся в Тя,/ сла́ва проше́дшему из Тебе́,/ сла́ва Свободи́вшему нас Рождество́м Твои́м. Кондак, глас тойже. Воскре́сл еси́ я́ко Бог из гро́ба во сла́ве,/ и мир совоскреси́л еси́;/ и естество́ челове́ческое я́ко Бо́га воспева́ет Тя, и сме́рть исчезе́;/ Ада́м же лику́ет, Влады́ко;/ Éва ны́не от уз избавля́ема ра́дуется, зову́щи:/ Ты еси́, И́же всем подая́, Христе́, воскресе́ние. Святых отцев VII Вселенского Собора. Тропарь, глас 8. Препросла́влен еси́, Христе́ Бо́же наш,/ свети́ла на земли́ отцы́ на́ши основа́вый/ и те́ми ко и́стинней ве́ре вся ны наста́вивый,/ Многоблагоутро́бне, сла́ва Тебе́. Кондак, глас 6. И́же из Отца́ возсия́в, Сын неизрече́нно/ из Жены́ роди́ся сугу́б естество́м,/ Его́же ви́дяще, не отмета́емся зра́ка изображе́ния,/ но, сие́ благоче́стно начерта́юще,/ почита́ем ве́рно./ И сего́ ра́ди и́стинную ве́ру Це́рковь держа́щи,/ лобыза́ет ико́ну вочелове́чения Христо́ва. Ин. тропарь, глас 2. Пречи́стому о́бразу Твоему́ покланя́емся, Благи́й,/ прося́ще проще́ния прегреше́ний на́ших, Христе́ Бо́же:/ во́лею бо благоволи́л еси́ пло́тию взы́ти на Крест,/ да изба́виши, я́же созда́л еси́ от рабо́ты вра́жия./ Тем благода́рственно вопие́м Ти:/ ра́дости испо́лнил еси́ вся, Спа́се наш,/ прише́дый спасти́ мир. Мчч. Назария, Гервасия, Протасия, Келсия. Тропарь, глас 4. Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами/ спаси́ ду́ши на́ша. Кондак, глас 2. Свети́льницы све́тлии я́вльшеся,/ Боже́ственнии му́ченицы,/ тварь све́том чуде́с озаря́ете,/ неду́гов разреша́юще глубо́кую нощь всегда́/ и Христу́ Еди́ному Бо́гу моля́щеся/ непреста́нно о всех нас. Прп. Николы Святоши, кн. Черниговского, Печерского чудотворца, в Ближних пещерах. Тропарь, глас 2. Оте́чество и сла́ву княже́ния твоего́ оста́вил,/ Кня́зю смире́ния, Христо́ви, усе́рдно после́довал еси́,/ преподо́бне о́тче наш Нико́ло;/ тем прия́л еси́ от Него́ ве́чное ца́рство и сла́ву на Небеси́,/ иде́же лику́я, помина́й нас чту́щих па́мять твою́ ве́рно. Кондак, глас 8. Вся кра́сная ми́ра сего́/ и тле́нное бога́тство нивочто́же вмени́в,/ обогати́лся еси́ мно́гими чудесы́ и зна́мении от Христа́ Бо́га,/ Ему́же в весе́лии предстоя́,/ помина́й нас, чту́щих любо́вию па́мять твою́, да зове́м ти:/ ра́дуйся, Нико́ло пречу́дне. Прп. Параскевы Сербской. Тропарь, глас 2. Пусты́нное и безмо́лвное житие́ возлюби́вши,/ и во след Христа́, Жениха́ твоего́, усе́рдно поте́кши,/ и Того́ благо́е и́го во ю́ности твое́й взе́мши,/ Кре́стным знаме́нием к мы́сленным враго́м му́жески вооружи́вшися,/ по́стническими по́двиги, посто́м, и моли́твами, и сле́зными ка́плями/ у́глие страсте́й угаси́ла еси́, достосла́вная Параске́во:/ и ны́не в Небе́снем черто́зе/ с му́дрыми де́вами предстоя́щи Христу́,/ моли́ о нас почита́ющих честну́ю па́мять твою́. Кондак, глас 6. Святу́ю вси засту́пницу су́щим в беда́х,/ благоче́стно воспои́м Параске́ву всечестну́ю:/ та бо, житие́ оста́вльши тле́нное/ и нетле́емое прия́т во ве́ки,/ сего́ ра́ди сла́ву обрете́,/ чуде́с благода́ть Бо́жиим веле́нием.