Пошташылар қалай күн көреді?

Солтүстік Қазақстан облысы Тайынша ауданындағы Бахмут және Чермошнянка ауылдарында пошташы болып жұмыс істейтіндер тым мардымсыз жалақы алатындарын айтады. Олар аптасына екі рет табан тоздырып бірнеше сағат жаяу жүргенде алатындары 10 мың теңгеге де жетпейтінін айтып шағынады. «Қазпошта» акционерлік қоғамы облыстық филиалының басшысы пошташы жалақысы республика көлемінде белгіленгенін айтады. Еңбекақының аздығын пошташы қызметіне сұраныстың аздығымен байланыстырады.