17 жашында миллионер болгон кыргызстандык ишкердин маеги

Элдос Кыдынов жаштайынан картошка, сарымсак, валериана чөбүн сээп, көл жээгинде пирожки, камырга оролгон сосиска сатып иштеген. Күндөрдүн биринде ата-энесинин “официант болуп иштеп көр“ деген сунушу жигиттин намысына тийип, жашоосун түп-орду менен өзгөрткөн. “Жашым 17де. Ысык-Көл облусунда пляждан жер алып, эс алуучу жай салып жатам. Учурда иштеп баштады. Мындан сырткары, Бишкекте, Москвада кампаларым бар. Өзүм үй-бүлөмдү толук камсыздайм. Азыр шаар четине үй салып жатабыз. Жакында машина алдым“, - деди Кыдынов.