Dick Gaughan - Jock o’ Hazeldean

Why weep ye by the tide, lady? Why weep ye by the tide? A’ll wed ye tae my youngest son An ye shall be his bride. An ye shall be his bride, lady, Sae comely tae be seen. But aye, she loot the tears doon fa’ For Jock O’ Hazeldean. Noo let this willfu’ grief be done And dry those cheeks sae pale. Young Frank is chief of Erthington, And lord o’ Langleydale. His step is first in peaceful haa’, His sword in battle keen. But aye, she loot the tears doon fa’ For Jock O’ Hazeldean. A coat o’ gowd ye shall nae lack Nor kaim to bind your hair, Nor mettled hound, nor managed hawk, Nor palfrey fresh and fair. And you, the foremost o’ them aa’ Shall ride our forest queen. But aye, she loot the tears doon fa’ For Jock O’ Hazeldean. The kirk was decked at mornin’ tide, The tapers glimmerd fair. The priest and bridegroom wait the bride And dame and knight were there. They searched for her in bower and haa’, The lady was nae seen. She’s o’er the border and awa’ Wi’ Jock O’ Hazeldean. Adapted from the poem by Sir Walter Scott