Шундыкар 2023

2023-тӥ арын «Шундыкар» лагерь 31-тӥ ползэ Удмуртиысь, Башкортостанысь но Татарстанысь ог 100 пала быгатӥсь удмурт нылпиосты люказ. Укмыс нунал ӵоже соос 11 пӧртэм ӧръёсъя ужазы. Сямлы пӧрмэм фольклор, театр, эстрада, суредаськон, видеоискусство, туспуктон, крезьгур, кибашлы но дӥськут дизайн сяна, пиналъёс понна проектирование ӧрез выльдӥзы но блогинг выль отряд усьтӥзы.