ХЬО ЙУ И

Зезагаш санна ас гулдина дешнаш, курс йина кховдор ду хьан даге цкъа. Хьогахчо хи санна, уьш доггах эшна тlеэцахь, довр дац-кха ас хьаьгна къа. Цара хьан дахарна чиркхаш латийна, гойтур йу ирсан хи схьадолу гlу... Сатийсам гlаттор бу и хи малийна, хьан дагна бовзуьйтуш безаман гу. Цу гу тle йер йу хьо, дlайахна ойла, дицдина дахарехь мел хилла зиэ. Цу гу тlехь ирсо хьо декъала йойла, хьан дагах хlоттарца безаман зlе. Iаьржачу чlабан тlехь кlайн бlилзиг санна, хlокху сан бlаьргаш чохь — хьан амат кlайн. Хьан бIаьргийн негIаршца йу луьста хьаннаш, полларчийн тIемел а леста уьш йайн... Хьоьца и тийналла, lуьйрено муьйлу, баппан тlе диллина тхи санна йу. Хьоьца и цlеналла, хьоча тlехь дуьйлу, бlаьстенан зазанех тера ма йу. Со ву и дахкарлахь хьан lиндагl лоьхург, тил а лой сайн некъах вуьйлушверг раз. Хьо йу и гlенах а суна йиш лоькхург, хьуо соьга лоьхуьйтуш, къуьйлушйерг аз. Минцаев lальви шо