Священномученик Ипполит,епископ Остинский

Канон святому священномученику Ипполиту Остинскому, Римскому Припев: Священному́чениче Ипполи́те, моли́ Бо́га о на́с. Память: 12 февраля (30 января ст. ст.) Глас 4. __ Акафист святому священномученику Ипполиту Остинскому, Римскому Память: 12 февраля (30 января ст. ст.) __ Тропарь священномученику Ипполиту,епископу Римскому От Бога свыше благодать приял еси духовную священномучениче Ипполите, душу твою привел еси кровию ко Христу, мученик истинен был еси, соборы страдальцев водяй, и еретических учений зломыслие победив, яко добрый пастырь душу твою положивый за овцы своя, спасаяй от бед и напастей вся верныя, благоприятными молитвами твоими, отче преславне. __ Кондак священномученику Ипполиту,епископу Римскому Светлостию огня Божественнаго возсия душа твоя, благодатию Христовою, окормляя словесное стадо, явился еси священномучениче изряден, радуйся Владыце поя, Ипполите, отче наш. __ Величание Велича́ем тя,/ священному́чениче Ипполи́те,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего. __ Молитва cвященномученику Ипполиту,епископу Римскому О, преславный и дивный страстотерпче, Архиерее Христов, священномучениче Ипполите. К тебе, яко истинному ходатаю и молитвеннику у Престола Божия мы недостойнии прибегаем и смиренно молимся. Ты, яко пастырь добрый, душу свою положивый за овцы своя, приисполнен быв любве и веры Христовой, укрепи и нас на стези спасения, да не погибнем люте. Ты бо приял от Господа благодать и силу за тяжкая и многая страдания твоя, чтущия память твою, помогати и от бед избавляти, избави и нас, молитвенниче всеславне, всяких раздоров и нестроений. Божественным венцем украшенный и каплями кровей твоих священства одежду украсил еси, всеблаженне Ипполите, украси благолепием святительства Архиереи и вся священноначалия. Нас же всех, призывающих тя с верою и любовию избави от всякаго злаго обстояния, наипаче от еретического зломыслия и басней эллинских. Мир умири предстательством пред Господом, безумныя вразуми и в вере Христовой укрепи, согревая огнем молитвы твоея охладевшия сердца наша, да сподобит Господь нас грешных Небеснаго Царствия Своего, и со всеми святыми прославляти всечестное и великолепое имя Отца и Сына и Святаго Духа, ныне и присно и во веки веков. Аминь. __ Кухонная раковина в походных условиях Покупки на ebay: