Šohjanankošen kulttuuritalo on alkan ruatua entiseh tapah

Sohjanankoški on Karjalan loittosimpie kylie. Sen sijaiččou Louhen piirissä, Šohjananjoven rannalla. Nyt kyläššä eläy vajuat kakšišatua henkie. Kylän kulttuuritalo on še paikka, mi nyt pitäy elävänä Šohjanankoškie. Kulttuuritalon ruatajat pietäh näyttelyjä ta karjalaisie pruasniekkoja, opaššetah lapšilla karjalan kieltä. Yhen katon alla ruatau kirjašto, kylän musejo, tiälä on oma karjalaini lauluduetti ta karjalaini lauluryhmä. Šuurin oša toimintua oli keškeytetty pitäkši aikua koronarajoitukšien takie. Nyt kulttuuritalo on alkan ruatua entiseh tapah.