საქართველოს კუდოს ნაკრები ევროპის ჩემპიონატიდან სამშობლოში დაბრუნდა

🛬🇬🇪 5 ოქროსა და 1 ბრინჯაოს მედლით საქართველოს კუდოს ნაკრები ევროპის ჩემპიონატიდან სამშობლოში დაბრუნდა. თბილისის შოთა რუსთაველის სახელობის საერთაშორისო აეროპორტში კუდოისტებს ფედერაციის წარმომადგენლები, ოჯახის წევრები და გულშემატკივრები დახვდნენ; 🇬🇪🥇 ლიეტუვის ქალაქ კაუნასში გამართულ ევროპის ჩემპიონატზე ჩვენი ქვეყნის ღირსებას 6 კუდოისტი იცავდა და ყველა მათგანმა მედალი მოიპოვა, ქართველების ანგარიშზე 5 ოქრო და ერთი ბრინჯაოა; 🥇🥇პირველად ჩვენი ქვეყნის ისტორიაში კუდოში უფროსებს შორის ქართველი გახდა ევროპის ჩემპიონი. ლევან დარასელიამ დაძაბულ ფინალში ფრანგ ქაის ალ ალემს სძლია; 🇬🇪🥇ასევე ოქროს მედლები მოიპოვეს 19 წლამდელთა შორის თორნიკე კურტანიძემ, სედრაკ კარაპეტიანმა, რომელიც მსოფლიოს მოქმედი ჩემპიონია, ზედიზედ მეორედ იზეიმეს ევროპის ჩემპიონობა ვასილ დვალაძემ და გიორგი ჟვანიამ . ბრინჯაოს მედალი უფროსებს შორის რომეო გაბლაიამ დაისაკუთრა; 🇱🇹🥋 ევროპის ჩემპიონატზე 3 ქართველი მსაჯი იყო, - დავით ყოლბაია, დავით დუშუაშვილი და მამუკა შონია; 🇬🇪🇬🇪 საქართველოდ კუდოს ნაკრებთან ერთად ლიეტუვაში იმყოფებოდა საქართველოდ კუდოს ფედერაციის ვიცე-პრეზიდენტი ალექსი ფილფანი. საქართველოს კუდოს ნაკრების შედეგი ევროპის ჩემპიონატზე: 🇬🇪🥇ლევან დარასელია – უფროსები, კატეგორია -230 🇬🇪🥇გიორგი ჟვანია – U19, კატეგორია – 240 🇬🇪🥇თორნიკე კურტანიძე – U19, კატეგორია – 230 🇬🇪🥇სედრაკ კარაპეტიან – U19 კატეგორია – 260 🇬🇪🥇ვასილ დვალაძე- U19, კატეგორია -270 🇬🇪🥉რომეო გაბლაია – უფროსები, კატეგორია -260