Tyrtarion - Vivamus (Catulli Carmen V.)

Chorus concinentium, cui nomen “Tyrtarion“, canit Catulli notissimum carmen ad Lesbiam. Secundum nostrum consilium modi musici ita ad verba aptati sunt, ut cum metrum versuum (qui sunt hendecasyllabi Phalaecei), tum sensus ipse (servatis veris accentibus) exaudiri et percipi possit. Speramus fore ut hac nostra cantilena delectemini. (Ad hos modos componendos vim habuit grex cantorum Hungaricus, qui a “Sebő “ nomen ducit.)