Дьөһөгөй оҕото

🐴Саха дьоно былыр-былыргыттан Дьөһөгөй оҕотугар сүгүрүйэллэр. Сыһыы муҥунан сыспай сиэллээх сүүрэ сылдьарын көрөн киһи дуоһуйар. Былыр-былыргыттан биһиги сылгыны миинэр миҥэ оҥостобут, сылгыттан таҥнар таҥас, сыалаах эт, уохтаах кымыс ылабыт. Оттон Дьөһөгөй оҕотун иитии, көрүү-харайыы үгүс дьаныардаах үлэни эрэйэр.... Хонууга Петр Иванович Слепцов дьиэ кэргэнэ сылгы сүөһүнү ииппитэ хаһыс да сыла. Төгүрүк сыл Кумах Сыһыыга сылгы базатын тутар, онно төрүөҕүн ылар, күөх отунан, эбии аһылыгынан күндүлүүр. Идэһэ кэмигэр нэһилиэгин дьонун эмис этинэн хааччыйар. Олохтоохтор сибиэһэй эти сиир баҕаттан хамаҕатык атыылаһаллар 👍 Убаһа этэ олус минньигэс, сымнаҕас, иҥэмтэлээх.