Алдар Тамдын – Дың-на чаңгыс (Александр Даржай)

Александр Даржай Хаяланган төрээн Тывам – дың-на чаңгыс, Хары чурт бооп, кажанда-даа хуула бербес! Өндүр мерген тыва чонум - дың-на чаңгыс, Өске чонга холушкаштың эсти бербес! Чечен сөстүг тыва дылым - дың-на чаңгыс, Чер кырындан кезээ мөңге чиде бербес! Мени төрээн тыва ава - дың-на чаңгыс, Меңээ кезээ соңгу ие болу бербес! Өскен черим, чонум, дылым, ынак авам, Өлгүжеге өзүм-баарым чылдып чоруур! “Тыва мен!“ - деп аймак-сөөгүм ажык, хостуг, Дыңзыг чоргаар адаарындан чалданмас мен! Тываның Уран Чүүл сайыды Алдар Тамдын номчуп турар. #ТываДыл #Тывафлешмоб