Халық саясатты ойламасын деп кредитке басын тығып қойды - Думан Мұхаммедкәрім

Думан Мұхаммедкәрім - әділдік іздеген журналист. Мемлекеттік арналарда жұмыс істесе де ойын ашық айтудан танбаған ол бірнеше жылдан бері еркін ойларымен халықтың санасын оятуға атсалысып жүр. 2022 жылдың аяғында мүдделес белсенділермен, журналистермен бірігіп “Алтыншы қаңтар“ блогын құрды, Мәжіліс сайлауына тәуелсіз үміткер ретінде өз кандидатурасын ұсынды. Думан Алматы облысында Балқаш, Жамбыл, Қарасай, Іле аудандары кіретін №12 округынан сайлауға қатысады. Сайлаудың әділ өтетініне сенбесе де халыққа сеніп додаға түсуге шешім қабылдаған. Сұхбатта жұртшылықтың белсенділігі, жемқор жүйенің қылмыстары, елдің кедейленуі, рухани тоқырау мен сайлауалды науқанның қызықтары жайында сөйлестік. 00