Әнисә Аҫылғужина Инә бөркөт оса бейектә, Әсә йөрәге - 2018

Әнисә Аҫылғужина Белорет районы Ноҡат ауылында күп балалы эшсе ғаиләһендә төпсөк – етенсе бала булып донъяға килә. Ноҡат башланғыс, Арышпар һигеҙ, Инйәр урта мәктәбен тамамлағас, Өфө финанс техникумында, һуңынан Башҡорт дәүләт университетында уҡый. Яҡшы уҡыуы менән бер рәттән йәмғиәт эштәрендә әүҙем ҡатнаша. БДУ-ның 1-се һанлы ятағының студенттар советы рәйесе, “Шоңҡар” әҙәби-ижад берекмәһе старостаһы вазифаларын башҡара. БДУ-ны тамамлағас, Белорет ҡалаһының 20-се мәктәбендә, һуңынан Арышпар мәктәбендә өс йыл директор урынбаҫары, аҙаҡ туғыҙ йыл директор булып эшләй. Бөгөн ул Инйәр ҡасабаһының 1-се һанлы урта мәктәбендә башҡорт теле һәм әҙәбиәте уҡытыусыһы. 2009 йылда “Китап” нәшриәтендә “Йәйҙәремде яратам” исемле шиғырҙар йыйынтығы, 2011 йылда “Тауҙар моңо”, 2012 йылда “Ғүмер бер генә” исемле китаптары донъя күрҙе. Ул юғары категориялы уҡытыусы, Яныбай Хамматов исемендәге премия лауреаты. Инә бөркөт оса бейектә Ҡояш үҙе алтын нурға манған Сабыйымдың йомшаҡ сәстәрен. Үҙе менән һәр саҡ килтерә ул Йүкә сәскәһен