Մհեր Մարգարյան - Հավատքն ունի ոտքեր / Mher Margaryan - Havatqe uni votqer

Կիրակնօրյա պաշտամունքի խոսքով մեզ հետ կիսվեց Մհեր Մարգարյանը։ Խոսքը մեր վերաբերմունքի մասին էր հավատքի հանդեպ։ Մեզանից է կախված, թե ինչ հավատք կգա մեր մեջ։ Հավատքն ունի ոտքեր, ինչպես որ եկել է՝այնպես էլ կհեռանա, եթե տեղիք տանք վախին, տագնապին եւ անհուսությանը մեր սրտում, որոնք սատանայի բերած հավատքն են։ Հավատքն առ Աստված գերբնական է՝լցված սիրով, ուրախությամբ եւ զորությամբ։ Էական չէ, թե լրատվամիջոցներն ինչ են մեզ մատուցում, այդ վատ վատ լուրերի մեջ անգամ կգտնենք խաղաղություն, եթե փնտրենք Տիրոջ երեսը։ Թվոց 13-ում Քաղեբը Աստծո հավատքով լցված չվախեցավ Քանանում ապրող հսկաներից։ Դավիթն էլ Տիրոջ հավատքով տապալեց Գողիաթին։Հռովմ. 4։ 18-ում գրված է. «Որ առանց հույսի՝հույսով հավատաց, թե շատ ազգերի հայր կլինի»:Աբրահամը վստահում էր Աստծուն։ Նա բռնել էր իրեն տված խոստմունքը։ Սիրելի’ս նմանվենք այս հերոսներին եվ կգա Գերբնական հավատք մեր մեջ՝հաղթելու եվ պայքարելու։ Եղիր օրհնված։