Казанда иң уңган кияү һәм кәләш сайланды

Татарстанда өйләнүчеләр саны арта, әмма шул ук вакытта аерылучылар да байтак. 2010 елда 31 мең пар теркәлгән, ләкин аларның өчтән бере инде аерылышкан. Бу проблема республиканың Мөслимәләр берлеген дә борчый. Мөселман гаиләсен саклап калу максатыннан, бу оешма 12 май Гаилә көнендә мөселман егет-кызларын таныштыручы реалити-шоу үткәрде. Әлеге чарада Татарстанның иң булган кияве һәм иң күркәм кәләше сайланды. © Азатлык радиосы