İran ordusu Azərbaycanla sərhəddəki təlimlərə “Kərrar” tanklarını cəlb edir.

İran Azərbaycanla sərhəd ərazilərə hərbi texnika toplamağa davam edir. Son 30 ildə Azərbaycanla İran arasında ara-sıra atmacalar olsa da, iki ölkənin bir-birinə münasibəti aydın görünsə də, heç vaxt bir-birinə qarşı belə sərt mövqedə qərarlaşmayıblar. İranın Azərbaycana qarşı hər hansı hərbi müdaxiləsi onun üçün böyük problemlər yarada bilər. Ona görə, İran heç vaxt hərbi müdaxilə etməyəcək. İran, sadəcə, “hədələməyi“ xoşlayır. Azərbaycan İranın vəziyyətini yaxşı başa düşür və prinsipial mövqe sərgiləyir. Təbii ki, Türkiyə və Pakistanın açıq dəstəyi, İsrail və Amerikanın Azərbaycanın İrana münasibətinə görə Azərbaycana göstərdiyi diqqət də əlavə güc verir. Yəni, İranın sərhədə yaxın ərazilərə hərbi texnika cəmləşdirməsi səviyyəsiz şoudan başqa bir şey deyil.