ТЫВА ҮНДЕЗИН КУЛЬТУРАНЫҢ КАМГАЛАКЧЫЛАРЫ. ЧООДУ КАРА-КҮСКЕ КҮНЗЕКОВИЧ

Хүндүлүг чонувус! Силерге Тываның билдингир уруглар чогаалчызы Чооду Кара-Күске Күнзекович Тыва Республиканың “Сылдысчыгаш” уруглар солунунуң 1990 чылда катап тургустунуп келген төөгүзүнүң дугайында таныштырган видеону бараалгаттывыс. Сылдысчыгаш уруглар солуну 1945 чылдың март 1-де үндезилеттинген, 1990 чылдың февраль 1-де катап тургустунган, Тываның узун төөгүлүг солуннарының бирээзи. Совет үеде Тываның янзы-бүрү булуңнарында уругларга солун медээлерни “Сылдысчыгаш” солун эккеп берип турган. Сылдысчыгаш солуну тыва уругларның кады ойнап өскен “эжи”, эң-не сонуургап номчуур солуну, чагаалажыр “өңнүү” болуп келген.