БАГЬАВУТДИН САМАДОВ - Рамазан ай

БАГЬАВУТДИН САМАДОВ, шаир, Къарабудагъгент районда чыгъарылагъан “РАЙОННУ ЯШАВУ“ деген газетни баш редакторуну орунбасары “Рамазан ай“ деген шиъруну охуй. Къутлайбыз къардашлар! ------- РАМАЗАН АЙ Сыйлы Рамазан геле, Берекети уьмметни. Къапуларын ачагъан Бизге гёзел Женнетни. Сыйлы Рамазан геле, Бизге кёп рагьму алып. Ораза тутмакъны биз Къоймайыкъ артгъа салып. Сыйлы Рамазан геле, Шапагьатчы болагъан. Къыяматгюн уьмметни Шапагьатгъа алагъан. Сыйлы Рамазан геле, Жагьаннем ден сакълайгъан, Ахыратда уьмметни Уллу отдан якълайгъан. Сыйлы Рамазан айда Кёп ибадат этейик, Дюньядан гетегенде, Иман булан гетейик. Сыйлы Рамазан айда Гюнагь ишлер этмейик, Дюньядан гетегенде, Къара юзлю гетмейик. Сыйлы Рамазан айда Оразасын тутайыкъ, Шу сыйлы айда сама Дюньяны унутайыкъ. Сыйлы Рамазан айда Ибадатлы болайыкъ, Яратгъан Есибизни Разилигин алайыкъ. MKO Qumuqlar в соц. сетях: