Үөдэйгэ баһаары утары барыта 148 киһи, 17 техника үлэлиир.

Ньурба улууһугар 3 ойуур баһаарыгар, күн бүгүн 348 киһи, 57 техника, уоту бохсууга үлэлиир. Ньурбачаан нэһилиэгэр баар 13 нүөмэрдээх баһаар бүгүн төгүрүтүлүннэ. Киэн сиринэн тайаабыт 18-ыс нүөмэрдээх Түмүк нэһилиэгин баһаара, бэс ыйын 4 күнүгэр Хаҥалас уонна Үөдэй нэһилиэктэригэр чугаһаан ыксалы үөскэтэ сылдьыбыта. Билигин Үөдэйгэ баһаары утары барыта 148 киһи, 17 техника үлэлиир. 18 нүөмэрдээх ойуур баһаара, бэс ыйын 4 күнүгэр Үөдэй нэһилиэгэр соҕуруулуу-арҕаа хайысханнан кэлэн, нэһилиэккэ үс точканнан чугаһыы сылдьыбыттаах. Манна олохтоох дьаһалта эрдэттэн тэринэн, уот эһиги туһаайыыгытынан барда диэттэрин кытта, 2 тыраахтырдарыгар булуук кэтэрдэ охсон хаһыы үлэтин ыытаннар, чугас нэһилиэктэртэн уонна Ньурбаттан көмө тиийиэр диэри үс сиринэн манаан, уоту дэриэбинэҕэ киллэрбэтэхтэр. Билигин уоту кытыылаан минполоса тардааһын үлэтэ хаһыс да күнүн бара турар. Манна Үөдэй олохтоохторо, түүннэри-күнүстэри 10-тан тахсалыы киһи буолан, сменаннан, трасса кытыытын Хлебников өтөҕүттэн, Дьуукалаҕа киирии аартыкка ди