1943 წლის 28 ნოემბერს თეირანის კონფერენცია დაიწყო

1943 წლის 28 ნოემბერს თეირანის კონფერენცია დაიწყო “დიდი სამეულის“ შეხვედრის იდეა ჩერჩილმა და რუზველტმა წამოაყენეს. ადგილი სტალინმა შეარჩია. სიფრთხილის ზომების მიუხედავად, გერმანულმა დაზვერვამ, ამერიკული სამხედრო-საზღვაო კოდის გაშიფვრით, მაინც მიიღო ინფორმაცია მოლაპარაკებების დროის შესახებ. ჰიტლერმა ოტო სკორცენის ბოევიკების ჯგუფს სამი მაღალჩინოსანი მეტოქის ერთდროულად ლიკვიდაცია დაავალა. მაგრამ საბჭოთა დაზვერვამ დაასწრო გერმანელ რადისტებს და ჰიტლერის ოპერაცია კოდური სახელწოდებით “დიდი ნახტომი“ ჩავარდა. თეირანში მიიღეს ფაშისტური გერმანიის განადგურების საერთო სტრატეგია, დასახელდა მოკავშირეების მიერ მეორე ფრონტის გახსნის ვადები. იქვე განიხილეს პოლონეთის მომავალი საზღვრები და კენიგსბერგის კუთვნილება. “აქ იმედითა და მტკიცე განწყობით ჩამოვედით. აქედან მივდივართ სულიერად და მიზნებით ერთიანი ნამდვილი მეგობრები“, - ამ სიტყვებით მთავრდება სამი ზესახელმწიფოს მეთაურის დეკლარაცია. Source: SputnikSaqartvelo