Մենք հետևում և երկրպագում ենք Հայաստանի հավաքականին, նրանք բոլորն էլ լավն են.Alpha News-ի հարցումը

Alpha News-ը հարցում է անցկացրել Երևանում, Մոսկվայում և Լոս Անջելեսում՝ պարզելու՝ արդյոք հայրենիքում և Սփյուռքում ապրող հայերը հետևում են Հայաստանի ֆուտբոլի հավաքականի հանդիպումներին, և եթե այո, ապա ով է համարվում լավագույն խաղացողը Հայաստանի հավաքականում: Հարցվածների ճնշող մեծամասնությունը նշել է, որ հետևում է ՀՀ հավաքականի խաղերին, անհանգստանում և ոգևորում հայ խաղացողներին։ Ֆավորիտների թվում առաջին տեղում էր ֆուտբոլիստ Էդուարդ Սպերցյանը։ Հարցման մասնակիցները նաև ափսոսանք են հայտնել, որ հանրահայտ Հենրիխ Մխիթարյանը այժմ Միլանի «Ինտերի» կիսապաշտպանն է, ներկայումս ազգային թիմում չի խաղում: «Մենք հետևում և ոգևորում ենք մեր թիմին, նրանք բոլորն էլ լավն են», - ասել է մոսկվացի հարցվողներից մեկը: «Միայն հաղթանակներ, միայն հարձակվող», «Մեծ հաճույքով դիտեցինք և՛ երեկվա, և՛ նախորդ հանդիպումը», «Լավ խաղացինք. Տիկնիզյանն ու Սպերցյանը փայլեցին», «Այս հաղթանակները պետք է լինեն պարբերական, և ոչ միայն ֆուտբոլային». այսպես են պատասխանել Alpha News-ի հարցման մասնակիցները։ Հիշեցնենք, որ ֆուտբոլի Եվրոպայի 2024 թվականի առաջնության ընտրական մրցաշարի երրորդ խաղում Հայաստանի հավաքականը Երևանում 2։1 հաշվով հաղթեց Լատվիայի ընտրանուն։