А.Ишемғужина һүҙҙәре һәм көйө. “Ҡыҙҙар әле лә сая!“

Ҡыҙҙар әле лә сая!.. Айгөл Ишемғужина һүҙҙәре һәм көйө ҠЫҘҘАР ӘЛЕ ЛӘ САЯ! Айгөл Ишемғужина көйө “Саялыҡ ҡыҙҙарыбыҙҙа Ҡайҙа булған?” – тимәгеҙ, Халҡыбыҙҙың йыр-моңонан Күсһен тиеп теләгеҙ! Иңдәрендә булмаһа ла Боронғолай уҡ-һаҙаҡ, Эйәрҙә ул сапмаһа ла Йөрәккәйе ут һымаҡ! Бөгөнгө ҡыҙҙар ҙа сая, Рәнйетмәгеҙ уларҙы – Килер быуын, ғүмер һорап, Ҡабыҙа бит ҡуҙҙарҙы! Ҡушымта: Ирене – бешкән сейә, Күңеле ярһып һөйә. Уҡ төҫлө ҡараштары Һүҙһеҙ ҙә сәпкә тейә!