Ало Пе (текст) - Александр Дёмкин

Слова: Александр Дёмкин Пек ламоксть кевкснемизь монь: «Лецтнесаль кудо юртонть Кона таркантень чачинь, Косо касынь, кува яксинь»? Апак визть каршост кортан: «Веле ланга онт нейкшнян Мазый ульнесь се порась, Ансяк а велявтови шкась». Мороюткось: Ало пе, ало пе. Тезэнь мон чачинь, Тесэ мон касынь, Луга ланга чийнинь. Ало пе, ало пе. Курок шкась ютась, Эйкакшон уш кассть Черень седойгадсть, Пирявксонок каладсь. Зярдо велев пачкодян, Ало пева свал ютнян. Канцяк леенть варштаса, Вишка пингем лецтяса. Каршо шабрантень сован, Режнезь ловсодо симан. Тесэ ломантне вадрят Свал ёвтан сыненст сюкпря.