عملية عنتيبى.. كيف استطاعت المقاومة اغتيال الشقيق الأكبر لـ“ نتنياهو “ فى 10 دقائق

حلقات مقترحه أشباح غزة المخابرات الفلسطينية قمة الفشل صائد الثعابين صائد الميركافا فشل الاجتياح حصار الجيش الثالث مقابر غزه اعلان حرب بداية الحرب جحيم السيسي اقتحام رفح يوم 27 يونيو سنة 76.. قدرت الجبهة الشعبية لتحرير فلسطين انها تخطف طيارة فرنسية عليها 77 اسرائيلي من مطار اثينا فى اليونان والهبوط بيهم فى مطار عنتيبى فى اوغندا.. بعدها بـ 7 أيام بالظبط.. حاولت قوات كوماندوز اسرائيلية بقيادة ظابط اسرائيلي اسمه جوناثان نتنياهو.. وده يبقى الأخ الكبير لبنيامين نتنياهو رئيس وزراء اسرائيل،، انها تحرر الرهاين.. إلا ان المقاومة الفلسطينية قدرت فى أول 10 دقايق من الهجوم انها تقتله.. قتلت الأخ الكبير لبنيامين نتنياهو.. قتلوله أخوه.. لكن ورغم نجاحهم فى قتله.. إلا ان اللى باقى من قوات الكوماندوز الاسرائيلية قدرت انها تقتحم مطار عنتيبى وتقتل كل عناصر المقاومة الفلسطينية وتحرر الرهاين.. وهنا تيجى الاسئلة.. ازاى المقاومة الفلسطينية قدرت تخطف الطيارة اصلا.. وازاى قدرو يقتلو الاخ الكبير لبنيامين نتنياهو؟.. وازاى رغم نجاح المقاومة فى خطف الطيارة والهروب بالرهاين على بعد 4 آلاف كيلو متر من تل أبيب.. قدرت قوات الكوماندوز الاسرائيلية انها تقتحم المطار وتصفى عناصر المقاومة الفلسطينية اللى المفروض قاعدين مستنيينهم ومتوقعين هجومهم.. والسؤال الأهم من كل اللى فات.. ليه اختارو مطار عنتيبى فى اوغندا من بين كل مطارات العالم علشان يخبو فيه الرهاين؟.. أقولك الله ينور عليك.. هى دى الأسئلة المهمه.. تعالا بقى نحكى 