ТОРМОШ. Село Караяр Караидельский район

Ҡариҙелдәге Ҡараяр ауылы – район үҙәгенән егерме ете километр алыҫлыҡта урынлашҡан иң матур төбәктәрҙең береһе. Урман зонаһына ҡараған төйәк үҙенең бай тәбиғәте, ҡуйы, бай урманы, Йүрүҙән йылғаһына һыйынып ултырғанлығы менән айырылып тора.Урындағы халыҡ малсылыҡ, балыҡсылыҡ һәм умартасылыҡ менән шөғөлләнә, баҡса үҫтерә, ҡош-ҡорт аҫрай, ағас эшкәртә. Ауылдың ярҙары ҡара булһа ла, халҡының күңеле паҡ, ихлас, йәмле.