Արցախում վկայագրված է շուրջ 6000 հուշարձան, իրական թիվը կրկնապատիկ է. հուշարձանագետ

Հայկական ճարտարապետությունն ուսումնասիրող հիմնադրամի փոխտնօրեն Րաֆֆի Քորթոշյանը Sputnik Արմենիայի հետ զրույցում անդրադարձել է Արցախի պատմամշակութային ժառանգության պահպանման երկու հիմնական ձևերին՝ դիվանագիտական և իրավաբանական, որոնց հիմքում ընկած է հուշարձանների ուսումնասիրումը։ «Մենք խնդիր չունենք ադրբեջանական կեղծարարությանը կեղծիքով պատասխանելու», - ասում է Քորթոշյանը։ Նրա խոսքով` ադրբեջանական «Վիքիպեդիան» նույնիսկ կեղծ հղում է անում հայ հեղինակների, սակայն ոչ ոք դա չի ստուգում, ճշտելու համար չի անցնում հղումներով։ «Ուսումը, գիտելիքը, համառ աշխատանքն ու ֆինանսները տալիս են հնարավորություն անելու այն, ինչ ուզում ես», - խնդրի լուծումն այսպես է տեսնում հուշարձանագետն ու որպես դրական նախադեպ նշում Անիի Մայր տաճարի նորոգումը՝ ՅՈւՆԵՍԿՕ-ի հովանավորությամբ և Թուրքիայի իշխանություն իմացությամբ։