Царскія навукоўцы шукалі рускіх, а знайшлі беларусаў | Царские ученые вместо русских нашли беларусов

Асобнасць беларускага народа не выклікае сумневаў у этнографаў. Але расейскія ўлады ва ўсе часы прытрымліваліся іншага погляду на гэтае пытанне, адмаўляючы беларусам у праве на існавання. У гэтым выданні праграмы “Загадкі беларускай гісторыі“ Аляксандр Краўцэвіч і Аляксандр Радзюк пагутараць пра заходнерусізм. Расейская ўлада ўсталявалася на беларускіх землях пасля падзелаў Рэчы Паспалітай у другой палове ХVIII ст. У той час пытанне нацыяў яшчэ не стаяла. Але ўсё змянілася ў ХІХ ст., калі поўным ходам пайшоў працэс фармавання сучаснай беларускай нацыі. У адказ на гэта расейскія ўлады распачалі апантаную русіфікацыю. Той, хто думае, што гэта засталося ў мінулым – памыляецца. Проста цяпер гэта робіцца не так адкрыта. У царскай Расеі не хацелі карыстацца словамі “Беларусь“ ці “Літва“. Пра беларускія землі гаварылася проста як пра шэраг губерняў: Віцебскую, Магілёўскую, Гарадзенскую і Віленскую, каб яны ніяк не вылучаліся сярод рэшты