Քոթանջյանը բացասական կերպարի մեջ արդարացնում էր բարին

«Հայ մեծանուն դերասան, ստեղծագործող և մտավորական Ռաֆայել Քոթանջյանի մասին 2018-ին լույս տեսած «Նոն Ֆինիտա» գիրքը բացահայտում է դերասանի կենսագրական հետաքրքրաշարժ դրվագները, ստեղծագործական ընթացքն ու նոր իմաստ է ձեռք բերում նրա հեռանալուց հետո», - Sputnik Արմենիայի հետ զրույցում ասում է գրքի հեղինակ, դերասանուհի Զարուհի Առաքելյանը, որն իրական զարմանք էր ապրել, պարզելով, որ լինելու է նրա մասին առաջին գրքի հեղինակը։ Մտահաղացմանն ու աշխատանքային ընթացքին, Ռաֆայել Քոթանջյանի կյանքի հետաքրքիր պատմություններին, բնավորության առանձնահատկություններին, իշխանությունների հետ փոխհարաբերություններին, ինչպես նաև կյանքի օրոք գնահատված լինելուն ու միջազգային ճանաչում ունենալուն անդրադարձել է Զարուհի Առաքելյանը։