Ачаллисене пулăшаççĕ

Ачаллă çемьесене патшалăх май килнĕ таран пулăшать. Çак «Демографи» наци проекчĕпе пурнăçланать. Виçĕ е ытларах ачаллă 3753 çемье 46 миллион тенкĕ илнĕ те. 2016-мĕш çултан раштавăн 31-мĕшĕнчен пуçласа 2022-мĕшĕнчи раштавăн 31-мĕшĕччен виççĕмĕш е ытларах ача çуратнисене, усрава илнисене уйăхсерен 11 пин те 992 тенкĕ параççĕ. Ача 3 çул тултариччен çак тĕреве илме май пур. Кунта тепĕр самант – пулăшăва Раççей Федерацийĕн гражданинĕсем çеç тивĕçеççĕ. Паллах, çемьен тупăшăвĕ те тĕрев укçи çине витĕм кӳрет. Кăçал çак енпе хыснара 954 миллион ытла тенкĕ пăхса хăварнă.