Францияға бару үшін Шенген визасын енді Астана қаласынан да рәсімдеуге болады

Бүгін Астанада Францияның жаңа виза беру орталығы ашылды. Тиісті ақпаратты Франция елшісі Филипп Мартинэ жария етті. Бұған дейін виза беру орталығы Алматы қаласында орналасқан еді. Елшіліктегілердің айтуынша, соңғы кезде елордадан Парижге аттанғысы келетін саяхатшылар қатары еселеп артқан. Алдағы уақытта еліміздің басқа да ірі қалаларында виза беру орталықтарын ашу көзделген. Жалпы, өткен жылы Францияға жер жүзінен 3,5 млн-нан астам турист барған.