Зәйтүнә Короткова: “Туристик урын ясыйлар дип мин урамга чыгып китәргә тиеш түгел“

“Үз йортымнан чыгарырлар дип беркайчан да ышанмадым“. Мәхкәмә Яшел Үзәннең тарихи үзәге саналган “Полукамушки“да яшәүче 68 яшьлек Зәйтүнә Короткованың йорты - каза хәлендә дип таныган. Якын арада ул йортыннан чыгып китәргә тиеш була. Азатлык Яшел Үзәннең тарихи үзәге булган “Полукамушки“да яшәүче Зәйтүнә Короткова белән хакимиятнең аның йортын тартып алырга теләве һәм президент Владимир Путинны тәнкыйтьләгән өчен эзәрлекләве турында сөйләште.