Davlat Dumasi deputati: Ruslar bilan yashashdan ko’ra migrantlar bilan yashash xavfsizroq

Rossiya Federatsiyasi Davlat Dumasi deputati Yevgeniy Fyodorovning aytishicha, muhojirlar o‘rtacha Rossiya fuqarosiga qaraganda kamroq jinoyat sodir etadi. Statistik ma’lumotlardan foydalanib, u o’z fikrini bildirgan va ularning iqtisodiyotga qo’shgan hissasi juda muhim ekanligini ta’kidlaydi. Fyodorovning tushuntirishicha, muhojirlar sonining qisqarishi ishchilar taqchilligiga olib keladi, bu hatto strategik ahamiyatga ega sohalarga ham ta’sir qiladi. Uning muhojirlarga qarshi kurashni ichki frontga putur yetkazish bilan qiyoslagani rossiyaliklarning keskin tanqidiga sabab bo‘lgan. Fuqarolar va hamkasblarning salbiy fikrlariga qaramay, Fyodorov o’z pozitsiyasini himoya qilishda davom etmoqda. U o‘zining Telegram’dagi kanalida mehnatkash muhojirlarni maqtab: “Ijtimoiy tarmoqlarda yalqovlar laqillab o‘tirgan paytda migrantlar ishlayapti. Ofarin!“ – deb yozgan. Biroq, deputat uning so’zlari ko’pincha noto‘g‘ri qabul qilinishi va u ba’zi gaplari kontekstdan yulib olinganini bir necha bor ta’kidlagan.