Leyla Tolış “Xəş oməyj Kulə Şəv, Nəvuzı varde“ . Sıxanon: Mirfayaz Likməkani

С наступающим праздником Навруз! Happy International (iranian) Holiday Navruz! نوروز بر شما مبارک باد! Xəş oməyj Kulə şəv, Nəvuzı varde! Moğnon xonçonədə ranqbəranqe, Hırdənon deyəndı moğnənə canqe, Çəşbimon ım ruji çan qılə manqe Həni kanə sori livonış zarde, Xəş oməyj Kulə şəv, Nəvuzı varde! Reçinə vəvumon Səməni kədə, Boni kıçi sımon sutedən bədə. Kardən Kulu- Kulu otəşi sədə Bımando tınədə har ğəme, darde Xəş oməyj Kulə şəv, Nəvuzı varde! Haft cur hardemon hest iən qamıştə, Bəyəndı jəjone, donəjon bıştə. Har kəs qəvi bə xəy okərdə ıştə Şoyye, zımıstoni həni hə marde Xəş oməyj Kulə şəv, Nəvuzı varde! Kəybəsə quş dudən cohilə kinon Dıldə niyyət qətdən boştə reçinon. Pılo, moy ləvənqin patəje inon Bə Xıdo dıvomon ha harde- harde Xəş oməyj Kulə şəv, Nəvuzı varde! Tolışon id kuli pırpazış qətə, Qliskə torəən dodomon patə. Kəfşəni sıpiyə libos evatə Kurki evat şodə, esə çı sarde?! Xəş oməyj Kulə şəv, Nəvuzı varde! Kışti kışti dumo kə şodoə bedə, Pur bedə kıştijon bə noə bedə. Har kəsi idə pay bəy doə bedə Əğlon peqie, vitin co karde- karde, Xəş oməyj Kulə şəv, Nəvuzı varde! Oməy rəsəy id kul, çəşonon ruşin, Bəhənən pay-puşon, nuş bıbu, şin-şin. Con bovtən bıməsən, jimonmon reçin- Im rujon vədəmon bə sori parde, Xəş oməyj Kulə şəv, Nəvuzı varde! Piyə dılon i bıbun, orzu bırəson, Xəyxəbə bıməson, həmə vərəson. İən çəmənkion yəndı sərəson, Imon Mirfəyazi dılo dəvarde. Xəş oməyj Kulə şəv, Nəvuzı varde! Mirfayaz Likməkani 19 mart 2014