Кыйраган кыялдар. “Финико“ соргон миллиондор кайда?

Орусиялык Кирилл Дорониндин “Финикосунан“ жабыр тарткан кыргызстандыктар жүздөп саналат. Бул “Финико“ жарандардын акчасын биржадан, биткоинден көбөйтүп беребиз деп алып жүрүшкөн. Кийин бул система каржы пирамидасы экени Татарстандын Улуттук банкы тарабынан аныкталган. Дээрлик эки жылдан ашуун ишмердигин жүргүзгөн “Финико“ эч бир өлкөдө, эч бир мекемеден каттоодон өткөн эмес. Учурда негиздөөчүлөрдүн бири камакта, үчөө дайынсыз. Расмий маалыматка ылайык, постсоветтик өлкөлөрдө “Финикодон“ жабыркагандардын саны 200 миңге чукул. Учурда алданган жарандардын акчасы кайда жана качан кайтарылары белгисиз. Бул тууралуу иликтөөбүздү сиздерге сунуш кылабыз. Каналга катталып, комментарий калтырыңыз.