Ramiz Revşən - Soğnə (Kölgə) (tərcımə - Şahin Həmidi, ifo - Ataxan Əbilov)

Bə kanal abunə bey yodo beməkən! Ramiz Rövşən Kölgə Talış dilinə tərcümə Soqnə Iştı soqnə eqnə iyo bə har şe, çımı kə, çımı bə soqnədə gin bə. Çı həşi vırədən yo tınij beşə, Çımı ruj, çımı şəv soqnədə gin bə. Çı soqnə dılədəy noflu, bolışnə, Çımı əğli qofe, çımı həmro dim. Soqnədəy səy təpə, çı lınqi poşnə. əv omə dəvardə çımıku bə dim. Çı maşini soqnə, çı boği soqnə, çı haymi, çı bandi, çı sıği soqnə. Çı zəmini soqnə, çı reği soqnə, əvon həmmə ginin ıştı soqnədə. Piydəme çı yodo az bekəm tıni, zındənim az tıni sərosne bəznem. Qasti ıştı soqnə rizi peqətom, ıştəni az bətı dərosne bəznem. Iştı soqnə bərkə soqnəbu qasdi, arşiyedənl əv, siyedəni əv. Qasdi ıştı soqnə çı Xıdo soqnəy, eqnə çımı səpe, çiyedəni əv. Çiç bıbu şanqone edəm Iştəsə olxartom, bıhıtom ışdə kədə az. Işdə sə-quşi bə soqnə dəsyom si coni bıbəmom dınyoədə az. Az bəme zındənim, va - voş ekardə, soqnə sədo omdə vanqon jiyədə. Dəvardən çəy səpe qonə maşinon əv mandə, hırd bedə lınqon jiyədə. Mandə bə dunox şə, çı zəmni səpe, rost bedə, əy səpo əyşteje piydə. Işdı soqnə demı dimbədim mandə çımı çəşonədə nışteje piydə. Şəhər çımı çəşon dənoydə bə dast, beşdən ıştı səpe kinonin vitdə. Tıni vıjə-vıjə qətdən, bıredən, soqnədə boştərpo olətin dutdə. Bədu tı çand qılə dast dıroz bedə, həmmə jıqo-jəqo tojnedən tıni. Soron dıroz bedən, manqon dəvardən, odəmon zəmnisə vıjnedən tıni. Mı tıku, tı mıku diyəro bemon, tabə marde əmə bəjyemon co-co. Zəmnisə i vıjən soqnə mandəbu Yodo benibəşəj bıbujən konco. İ ruj tı çok-çoki şoy-şoyən bəkaj, oxınnə sıxanım haştə soqnədə. Xıdokum piyedə, əcəl omyədə bomı ğəv bıkandon ıştı soqnədə. Ramiz Rövşən. Azətbaycanın xalq şairi. Şeiri Talış dilinə tərcümə elədi : Şahin Həmidi. 12. 07. 2023. #atiştv #tolışon #tolışəzıvon