Вирь Чиресэ (текст) - Ансамбль Эрзянка (с. Чиндяново)

Слова и музыка: народные 1. Вирь чиресэ эрзянь цёра пенгть кери, Вирь кужосо эрзянь аля пенгть лазны. 2. Весть вачкоди эрзянь цёрась, кавксть варшты, Кавксть вачкоди эрзянь алясь, колмоксть варшты. 3. Вармавтомо чувтынетне чикоргадсть, Даволтомо тикшинетне нуваргадсть. 4. Витев варштась эрзянь цёрась, ногайть сыть, Кершев варштась эрзянь алясь, губант сыть. 5. Козонь, козонь эрзянь цёрась кекшекшнэсь, Козонь, козонь эрзянь алясь эцекшнэсь. 6. Пенгтнень алов эрзянь цёрась кекшекшнэсь, Маронть алов эрзянь алясь эцекшнэсь. 7. Карь принезэ эрзянь цёранть эзь кекшевть, Сумань пезэ эрзянь алянть эзь эцевть. 8. Сыре ногай эрзянь цёранть неизе, Киска губан эрзянь алянть редизе. 9. Карь принеде эрзянь цёранть кундызе, Сумань педе эрзянь алянть таргизе.