ХОМДУ ТЫВАЛАРЫНДА СЫР КАГАР ЁЗУЛАЛДЫ КЫЛЫРЫНЫҢ ЧУРУМУ (II КЕЗЭЭ)

- Сыр хап турда чүнү бодаар? - Кежик-буян келзин, аарыг, човулаң чок болзун деп-ле, ам бо өгде бак чүве турган болза, өг долдур көс-биле үне берген. Эрдине акый хөрүктү үш катап хаккан соонда, ажыглап турган кыскажын, масказын, калбак демирни от кырынга артыжааш, оттуң бетинге ак кидисти чаткаш, тейлээн. Тейлээн соонда артыштыг сугга чунган. - Артыштыг суг-биле чунары кандыг бооп турары ол? - Аршаан, демирни отка быжырып, кандыг-даа бак чүве чок кылып турарывыс ол. Бурунгуда улустар аарыыр черлерин чуур-ла. Ижерге ижин-баарга эки болур. Чунгаш суун аштавас, кижиниң бодунга сиңер болуп турар. Шагда аарып турган черни чуп аарга база эки бооп турар. Өгге орган уруглар, аалчылар, улуг кижилер шупту аржаан-биле чунган соонда, кежээки чемни чип, сол-менди айтырып чугаалаштывыс. Шагааның бүдүүзүнде ай чурагайы-биле 9, 19, 29-туң хүнүнде сыр кагар ёзулалды база чорудар.