Малпа выль кыл

Удмурт кылбурчилы но выль кылъёсты кылдытӥсьлы Кузебай Гердлы вордскемез дырысен 115 ар тырмемезлы сӥзьыса, МУШ ужан огин, «Удмуртлык» дэменлык но егитъёслэн «Шунды» огазеяськонзы выль удмурт кылъёсты кылдытон понна вотэсӵошатскон радъяло. Гердлэсь ужзэ буре вайыса но данъяса, вань мылкыдчиосты выль удмурт кылъёсыз кылдытъяны ӧтӥськом. Котькыӵе удысын удмурт кылмы мед пайдаё луоз шуыса, туала улонысь арбериослы удмурт шӧмо нимъёсты сётыны кулэ.