Надежда Уткина - лэзь монэ (мылысь-кыдысь, 2000-2001-т аръёс)

Лэзь монэ Тон пуны кадь эн лыкты дорам, Жальмытэсь синъёсын учкыса, — Мон уг сёты тыныд нянь шорем. Кошкыкум но эн учкы бӧрсям, Котькудзэ вамышме чакласа, — Мон уг басьты тонэ ас сьӧрам. Эн, пычей кадь эн гыр сюлэмам, Мылкыдме усьтыны тыршыса, — Кызьпу туй выллем юн со мынам. Тон эн сура, эн йырйы визьме, Малпанме сэраны турттыса, — Тон понна со ноку валантэм. Тон эн поръя сюрес ваментӥм, Эн отысь бугыръя музъемез, — Сюресэ мынам — лыз-чагыр ин. Лэзь монэ, эрико бурдоез, Ас быръем сюрестӥм лобаны, Кыдёкысь ӧрӟиез гажаны. Татьяна Чернова (1980)