Православный календарь Пятница 15 ноября 2024 / 2 ноября 2024

Седмица 21-я по Пятидесятнице. Глас третий. Пост. Монастырский устав: cухоядение (хлеб, овощи, фрукты) Мчч. Акиндина, Пигасия, Аффония, Елпидифора, Анемподиста и иже с ними (ок. 341-345). Сщмчч. Константина и Анании пресвитеров (1918). Новосщмчч. еп. Викторина и иерея Василия (Лузгина) (1918). Прп. Маркиана Кирского (388). Шуйской-Смоленской иконы Божией Матери (1654-1655). Блж. Киприана Сторожевского, бывшего разбойника Олонецкого. Св. Эрка еп. Слайнского Ирландского (Кельт. и Брит.). Св. исп. Антония архиеп. Солунского (844). Мцц. Кириакии, Домнины и Домны (Греч.). Мчч. сенаторов пострадавших при Марке Аврелии (Греч.). Чтения дня Колоссянам 2:1-7 Луки 12:2-12 Тропари Мчч. Акиндина, Пигасия, Аффония, Елпидифора, Анемподиста. Тропарь, глас 2. Страстоте́рпцы Госпо́дни,/ блаже́нна земля́, напи́вшаяся кровьми́ ва́шими,/ и свя́та селе́ния,/ прии́мшая телеса́ ва́ша:/ в три́знищи бо врага́ победи́сте/ и Христа́ со дерзнове́нием пропове́даете:/ Того́ я́ко бла́га моли́те/ спасти́ся, мо́лимся, душа́м на́шим. Кондак, глас 2. Благочести́выя и Богоно́сныя му́ченики,/ я́ко на земли́ оста́вльшия вся,/ прия́л еси́ в наслажде́ние благи́х Твои́х и упокое́ние,/ Акинди́на, Пига́сия, Анемподи́ста,/ с ни́миже Аффо́ния и Елпидифо́ра же,/ Еди́не сый Преблаги́й. Шуйской-Смоленской иконы Богородицы. Тропарь, глас 4. Я́ко многоце́нное сокро́вище прия́т град Шу́я/ чуде́сно напи́санную ико́ну Твою́,/ Пресвята́я Влады́чице, Де́во Богоро́дице,/ во исцеле́ние лю́тыя я́звы и во утеше́ние правосла́вных Тобо́ю дарова́нную,/ от нея́же исто́чники благода́тныя и до ны́не оби́льно излива́ются./ Проба́ви, Пречи́стая, и на бу́дущее вре́мя ми́лости Твоя́ ве́дущим Тя,/ храни́ град Твой и всю Ру́сскую зе́млю/ и спаса́й люде́й, к Тебе́ с ве́рою и любо́вию притека́ющих. Ин тропарь, глас 4. Всеблага́я и преми́лостивая Засту́пнице ро́да христиа́нскаго,/ Пречи́стая Де́во Богоро́дице,/ припа́дающе пред святы́м и чудотво́рным Твои́м о́бразом,/ и́мже от лю́таго смертоно́сия град Шу́ю дре́вле изба́вила еси́,/ уми́льно взыва́ем Ти:/ не преста́й под кро́вом Свое́я бла́гости/ сохраня́ти от бед и обстоя́ний град Твой/ и вся гра́ды и ве́си страны́ Росси́йския/ и моли́ти Сы́на Твое́го, Христа́ Бо́га на́шего,/ да спасе́т ду́ши на́ша. Кондак, глас 3. Ма́ти Бо́жия Пресвята́я,/ стено́ христиа́ном, гра́да на́шего Шу́и покро́в и заступле́ние!/ Моли́твы раб Твои́х, ко ико́не Твое́й припа́дающих, приими́,/ во испове́дании Правосла́вныя ве́ры укрепи́,/ от вся́кия напа́сти и беды́ изба́ви,/ ско́рби земны́я на ра́дость преложи́/ и Сы́на Твоего́ моли́ гра́ду и лю́дем Твои́м в ми́ре спасти́ся. Кондак, глас 6. Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́ я́ко Блага́я/ на по́мощь нас, ве́рно зову́щих Ти,/ ускори́ на моли́тву и потщи́ся на умоле́ние,/ предста́тельствующи при́сно, Богоро́дице, чту́щих Тя.