Йӱштӧ Кугыза до юзо тӱмыр (1 ужаш)

“Joulupukki ja noitarumpu“ [Йоулупукки я нойтарумпу] — финн йоча мультфильмым. Тыште поро кочайын неле пагытыш логалмыже да изи ялыште илыше-влакын тудлан полшымышт нерген ойлалтеш. Тиде проектым «Марий Эл Радион» пашаеҥже-влак шуктеныт. Мультфильмым марий шӱлышаным ышташлан марий мурым пуртеныт, икмыняр геройлан марий лӱмым пуэныт. Йӱкым пыштыме годым у орфографий мутерлан эҥертеныт. Тиде мультфильм – радиошто тыршыше-влакын кокымшо пашашт. Икмыняр ий ончыч «Смешарики» мультфильмын ик серийжым марлаҥденыт ыле. «Йӱштӧ Кугыза да юзо тӱмыр» мультфильмым марлаҥдаш Озаҥ олаште илыше да марий тӱвырам шымлыше Ольга Федорович темлен. А Финляндийысе телекомпаний «Марий Эл Радиолан» мультфильмым кусараш да 10 ий жапыште телевиденийыште ончыкташ правам пуэн. Проектын авторжо-влак ончыкыжым мультфильмым DVD-дискыште лукташ шонат. #теве_тылат_кидем #ФИННО_УГОРСКАЯ_МУЛЬТИПЛИКАЦИЯ #марийский_мультик