ЕАЭБ өлкөлөрүнүн бажы кызматтарынын өкүлдөрүнүн жыйыны кандай өттү?

ЕАЭБ өлкөлөрүнүн Бажы кызматтарынын бириккен коллегиясынын 43-жыйынына Кыргызстан, Армения (онлайн), Беларусь, Казакстан жана Россия мамлекеттеринин өкүлдөрү катышты. Кыргызстан Бажы кызматынын төрагасы Самат Исабеков электрондук эсеп-фактураны колдонуу жана соода процедураларын жөнөкөйлөштүрүү маселелери каралганын айтты. Ал эми жыйынга төрагалык кылуучу — Россиянын Федералдык бажы кызматынын жетекчисинин милдетин аткаруучу Руслан Давыдов Евразия экономикалык биримдигинин мүчөлөрүнүн өтө чоң потенциалы бар экенин билдирди. Товар ташуудагы маалыматтардын аныктыгын текшерүү процессин автоматташтыруу маселеси да каралганын белгиледи.